Argentina mitagak sa Serbia sa World Cup

CEBU, Philippines – Maisip nga usa ka dakong kadaogan ang gibuhat sa Argentina human nila gipalagpot ang mas inilog nga  Serbia, 97-87 sa quarterfinals sa FIBA World Cup sa miaging gabii didto sa China.

Ang Serbia usa sa mga gitan-aw nga title contender,  apan napilde sila ngadto sa Argentina sa luyo sa pagpangulo  sa 39-anyos nga si Luis Scola  nga mikadlit og 20 puntos, samtang laing  beterano nga si Facundo Campazzo mirehistro og 18 puntos.

Ang Argentina miabante sa Final 4  ug  magpaabot na lang kini sa modaog sa duwa tali sa defending champion Team USA ug France alang sa finals. 

Human mitapos sa group stage sa rekord nga 3-0, ang Serbia nakatilaw og duha ka sunod-sunod nga pilde una batok sa Spain.

Nangulo sa Serbia ang Utah Jazz shooter nga si Bogdan Bogdanovic nga adunay 21 puntos, apan ang Denver Nuggets star nga si Nikola Jokic igo lang mihimo og 16 puntos. 

Sama sa Argentina, misud usab sa semifinals ang Spain nga yanong mikunis-kunis sa Poland, 90-78 sa pagpangulo ni Phoenix Suns point guard Ricky Rubio nga adunay 19 puntos.