Azkals napukan sa Syria sa World Cup qualifers

CEBU, Philippines — Nahiagum og sakit nga kapildihan ang Phl Azkals batok sa bisitang Syria, 2-5 sa 2022 World Cup qualifers niadtong Huwebes sa gabii didto sa Panaad Panaad Park and Stadium sa Dakbayan sa Bacolod.

Ang Azkals maoy unang nakahimo og goal kortesiya ni Javier Patiño, apan  gibawsan  kini  og  upat   ka sunod-sunod  nga   goals  sa   mga Syria.  

Miguba sa depensa sa Azkals mao sila si Omar Al Soma, Faris Al Khatib, Khaled Ambayed ug Mahmoud Alwalas nga mipahilom sa bagang duot sa mga Pinoy fans nga mipakita og suporta sa national team.

Ang Azkals nahimutang sa lisud nga bracket diin kauban usab nila ang China, Maldives ug Guam. 

Ang Azkals kinahanglan mosulod sa top four standing sa overall standing    aron moabante sa sunod round sa qualifiers.

Ang Azkals nalabay sa  rank no. 127 sa tibuok kalibotan, samtang ang Syria rank no. 87.