PSC ibabalik ang dating Rizal Memorial Coliseum
MANILA, Philippines — Maliban sa pagpapaayos ay ibabalik din ng Philippine Sports Commission sa dati nitong anyo ang makasaysayang Rizal Memorial Coliseum sa Vito Cruz, Manila.
Ang nasabing venue ay gagamitin para sa darating na 30th Southeast Asian Games sa Nobyembre.
Sinabi ni PSC chairman William ‘Butch’ Ramirez na ibabalik nila sa dating hitsura at kondisyon ang Rizal Memorial Coliseum na itinayo noong 1934 at pinagdausan ng Asian Games noong 1954 at tatlong SEA Games.
“The PSC was manda-ted by the National Historical Commission of the Philippines (NHCP) to preserve the Rizal Memorial Coliseum to its original form. And we are happy with that because this will be the first time that the Filipinos and our foreign guests will see the venue like it was in the 1930s,” wika ni Ramirez na magsisilbi ring Chef De Mission ng Team Philippines sa 2019 SEA Games.
Ang nasabing coliseum ay lalagyan ng mga bagong upuan na angkop sa inter-national standards bukod pa ang pagiging fully airconditioned sa unang pagkakataon.
Ang pondo ay mula sa Philippine Amusement and Gaming Corp. (PAGCOR).
“All government agencies are on the same track to making the SEA Games a successful hosting as directed by President Rodrigo Duterte,” ani Ramirez.
Nanguna ang PAGCOR, sa pamumuno ni chairperson Andrea Domingo, sa mga nagbigay ng suporta para sa 2019 SEA Games sa pamamagitan ng pagpapaayos sa Philsports Arena sa Pasig City at sa Rizal Memorial at Ninoy Aquino Stadium sa Vito Cruz, Manila.
- Latest
