Donaire UG Inoue nag-abot sa Tokyo
CEBU, Philippines – Nag-abot didto sa Tokyo kagahapon si five-division world champion Nonito 'The Filipino Flash' Donaire Jr. ug ang karibal niining Hapon nga si 'Monster' Naoya Inoue aron ipublikar ang giatngan nilang away tulo ka bulan gikan karon.
Ilogan sa duha ka dekalibreng boksidor ang Ali Trophy sa ila unyang binukbukay nga maoy finals sa World Boxing Super Series (WBSS) karong Nobiyembre 7 didto sa Saitama Super Arena sa Saitama, Japan.
Ang 36-anyos nga si Donaire maoy kasamtangang WBC Diamond ug WBA 'Super' bantamweight champion, samtang ang 26-anyos nga si Inoue sa pagka karon maoy naghari isip WBA 'regular' ug IBF bantamweight champion.
Si Donaire mipadayag nga nangandam siya og maayo kay iya mang giisip si Inoue nga usa sa labing banggiitan nga boksidor karon sa kalibotan.
"This fight is against Inoue who is one of the best fighters in the world," matud pa ni Donaire segun sa taho sa Philboxing.com. "To see where my career has been and what people have said about where I am and coming back to the division it inspires me, it motivates me, but most of all it excites me. This is where I wanna be."
Sa iyang bahin, si Inoue nagkanayon nga usa ka damgo nga natuman ang makaharong si Donaire ibabaw sa ring.
"When this tournament started Nonito Donaire was the fighter I wanted to fight most. I am truly pleased that I am able to fight him in the final of this tournament," matud pa ni Inoue.
Si Donaire nagkupot og 40-5 record uban ang 26 KOs, samtang si Inoue wala pa'y pilde sa 18 ka away diin 16 sa iyang mga biktima pulos gipatikangkang.
- Latest
