Pacquiao gitambagan nga magbinantayon
CEBU, Philippines — Gitambagan ni Top Rank Inc. CEO Bob Arum si Manny Pacquiao nga dili na magpalabi og paigo sama sa gibuhat niini sa katapusan niining sangka batok ni Keith Thurman niadtong Hulyo 21 didto sa MGM Grand Arena sa Las Vegas, Nevada.
Si Arum, ang kanhi promoter ni Pacquiao mipadayag na sab sa iyang kabalaka nga makamugna og grabeng kadaot sa panglawas ang Pinoy'ng boksidor ang iyang estilo sa inawayan diin modawat siya og kumo gikan sa iyang kaatbang.
"If he had done the same years back, hey, really great, you don’t worry about him so much. But in his 40s? To take punishment like that? I really am worried," matud pa ni Arum sa FightHub.com.
Si Arum nga una nang miingon nga nahingawa siya ni Pacquiao tungod kay kuyaw kining makahiagum og brain injury, nagkanayon nga moresulta ang daghang igo sa ulo ni Pacquiao inig ka edaran niini sama sa nahitabo ni heavyweight legend Muhammad Ali.
Si Ali, usa sa labing sikat nga heavyweight kaniadto, nakahiagum og parkinson's disease, usa ka sakit nga moigo sa utok ug spine sa usa ka tawo diin kanunay kini nga manggahi ug magkurog.
"I'm really concerned. He can’t take that kind of punishment at that age and wind up—God forbid – like Muhammad Ali," dugang ni Arum.
- Latest
