Cebuano shooter midaog sa Indonesia

CEBU, Philippines — Ang garbo sa Talisay City nga si Diogenes 'Larry' Avila mipakita og nindot nga labok sa iyang international debut human siya midaog og duha ka silver medals sa 43rd Southeast Asian Shooting Championships didto sa Jakarta, Indonesia kagahapon.

Si Avila misakmit sa una niyang silver medal sa individual class, ug dayon nakig-uban siya nila ni Ronald Hejastro ug Condrad Abainza aron makuha ang ikaduha niyang silver ubos sa team category.

Si Avila nalakip sa national team tungod kay nadapit kaniya ang atensiyon sa  mga national team coaches dihang gidominaran niya ang metallic silhouette air rifle event atol sa National Series.