Fajardo wala moapil sa victory party
CEBU, Philippines — Wala mitambong si JuneMar Fajardo sa victory party sa San Miguel Beermen kay miapil kini sa team practice sa Gilas Pilipinas niadtong Martes sa gabii didto sa Meralco Gym.
Si Fajardo, usa sa mga yawi sa kadaogan sa Beermen sa miaging Commissioner's Cup finals mipasabot sa iyang mga teammates ug coaches sa San Miguel nga dili una siya maglingaw-lingaw ug motutok una sa ensayo sa Gilas Pilipinas nga mangandam sa FIBA World Cup nga karong Agosto 31 didto sa China.
Nakasabot ra hinuon ni San Miguel coach Leo Austria sa baruganan sa reigning MVP.
"Si June Mar meron siyang obligation sa national team dahil alam ng buong team 'yun," matud pa ni Austria sa Spin.ph. "Sinusuportahan namin sila at 'yung management. We don't want him to miss another practice because yesterday wala siya. Kailangang-kailangan na siya to contribute."
Si Fajardo gusto nga mamawi ilabi kay wala siya makaapil sa praktis sa Gilas sud sa kapin duha ka semana tungod sa iyang obligasyon sa San Miguel.
Una nang gihulagway ni Gilas coach Yeng Guiao si Fajardo nga usa ka mga alas sa kampanya nila didto sa China tungod kay siya ang sentro sa national team.
- Latest