Gilas Pilipinas mohimo og milagro sa World Cup
CEBU, Philippines — Positibo si Gilas Pilipinas coach Yeng Guiao nga makahimo sila og milagro sa umaabot nga FIBA World Cup karong Agosto 31 didto sa China.
Si Guiao miingon nga wala siya mahadlok bisan og nakita niya ang duwa sa ilang mga kagrupo sa bracket nga naglakip sa Serbia ug Italy nga mihimo og tune-up games sa miaging semana.
Nakit-an ang ka maayo sa Serbia ug Italy dihang nagduwa ang duha ka koponan.
Sama sa gilauman, migawas gyud nga labing sinaligan sa rank No. 4 sa FIBA nga Serbia ang NBA star nga si Nikola Jokic kinsa mirehistro og 20 puntos bisan pa sa limitadong oras.
Si Jokic usa sa mga bantayanan sa Gilas ug pangitaan kini nila og paagi aron mapugngan ang opensa niini.
Ang bigmen nga sila si Andray Blatche ug JuneMar Fajardo seguradong maoy ibangil sa Denver Nuggets ace player nga si Jokic.
- Latest
