EF Surplus milubong sa kalubian sa CLBA 3

CEBU, Philippines —  Miarangkada na sab ang reigning champion EF Surplus ug ilang gipilde ang Junmags, 80-74 sa Consolacion Lilo-an Basketball Association (CLBA) Season 3 niadtong Huwebes didto sa GT Academy gym sa Tayud, Lilo-an.

Ang team owner nga si Fury 'Triggerman' Trazona, kansang duwa wala gyud molubad gikan sa pagsugod maoy nangu sa kadaogan nga miratsada og 21 puntos.  Sila si Kenn Nuñez ug Arprel Sabang nagkumbinar og 26 puntos sa EF Surplus nga dominante kaayo sa maong duwa..

Labaw og 11 puntos ang EF Surplus human sa tulo ka kuwarter, 58-47, apan naaberiya ang ilang opensa sa fourth quarter hinungdan nga  nakahigayon ang Junmags pagkitkit sa labaw ngadto na lang sa sayes puntos human sa aksiyon.

Miiskor unta og 30 puntos si Gerald Lauron, apan nausik lang kay nasugamak man ang Junmags.

Sa laing duwa, ang 4Nichols yano kaayo milansang og daog pinaagi sa paglubong sa Kalubian, 71-58.

PUNTOS MATAG USA

Unang duwa:

EF Surplus (80) – Trazona 21, Nuñez 16, A. Sabang 10, Igoy 9, Dela Rama 7, Iway 4, Betinol 4, Sabang 2.

JUNMAGS (74) – Lauron 30, Amistoso 12, Alkarte 9, Abude 6, Hernando 5, Tordillo 3, Sabanal 2.

Ikaduhang duwa:

4NICHOLS (71) – Icot 14, Japos 11, Arnoza 8, Trazona 8, Cagang 5, Mendoza 5, Apas 5, Astillero 4, Auman 2.

KALUBIAN (58) – Loon 18, Cortes 17, Almacin 9, Pepito 7, Pepito 4, Estelloso 4.