Beermen nangangkon modaog sa game-5
CEBU, Philippines — Nangangkon ang San Miguel Beermen nga anaa kanila ang momentum nga modaog sa Game-5 batok sa TNT KaTropa sa 'best-of-seven' finals series sa PBA Commissioner's Cup karong gabii didto sa Smart Araneta Coliseum.
Sa kasamtangan, ang Beermen ug KaTropa nagtabla karon sa series, 2-2 ug usa kanila ang makabenta human sa ilang duwa nga sugdan sa alas-7 sa gabii.
Paningkamuton sa Beermen nga modaog sila aron moanam kaduol ang ilang kahigayonan nga mosakmit sa PBA Commissioner's Cup title.
Human sa ilang 106-101 nga kadaogan sa Game-4 niadtong Domingo, ang San Miguel gusto nga mopadayon sa ilang maayo nga duwa. Gilauman og dako sa Beermen ang reigning MVP nga si JuneMar Fajardo nga mihimo sa labing nindot niyang performance sa finals sa miaging duwa pinaagi sa iyang 22 puntos ug 11 ka rebounds.
Hinuon, si TNT best import Terrence Jones mibahad nga magmangtas siya karon aron mabalik kanila ang bentaha sa serye, 3-2.
- Latest