SEA Games athletes pahashasan og maayo

CEBU, Philippines — Mismo si  Presidente Rodrigo Duterte ang mimando sa Philippine Sports Commission (PSC) nga tarungon pagpili ang mga atleta nga morepresentar sa nasud sa Southeast Asian Games sa Nobiyembre  nga ipahigayon dinhi sa Pilipinas.

Ang Pilipinas mopadala og daghan nga atleta sa maong multi-sporting event aron maseguro nga matuman ang laraw nga makasulod sa top three.  

Si PSC chairman William Ramirez miingon nga miabot na sa 1,245 atleta ang gisumitir sa matag national sporting associations, apan kinahanglan pa nga hashasan pa kini diin ipabilin ang mga atleta  nga seguradong makahatag og medalya sa nasud.