Kusog ni Donaire mopatigbabaw
CEBU, Philippines – Nagtuo ang veteran boxing promoter nga si Richard Schaefer nga makapabor sa sinukliay og kumo si Filipino boxing champion Nonito 'Filipino Flash' Donaire Jr. batok ni Japanese ring star Naoya 'Monster' Inoue sa ilang bantamweight unification bout.
Si Schaefer sa Ringstar Sports, nagkanayon nga hapit na mahitsas ang detalye sa 'superfight' sa duha nga posibleng mahitabo sa Nobiyembre sa Tokyo, Japan.
Daghan ang nag-atang sa maong sangka tungod kay duha ka knockout artists ang mag-abot, apan si Schaefer midapig ni Donaire nga modaog tungod sa kusog ug kasinatian niini.
Si Donaire nga nagkupot sa WBA title, adunay rekord nga 40-5, 26KOs, samtang si Inoue walay pilde sa iyang 18 ka away, 16 niini gikan sa knockout.
"I think Nonito's the real monster in the bantamweight division," matud pa ni Schaefer sa Philstar.com. "No one can beat him at 118. He’s too strong for anyone to take his power."
Ang modaog sa maong sangka dili lang makapanag-iya sa WBA ug IBF belts, apan makadawat usab sa Muhammad Ali Trophy alang sa titulo nga hari sa bantamweight division.
- Latest