Magkaisa para sa tagumpay ng 30th SEA Games -Digong
MANILA, Philippines — Muling nagtipun-tipon ang mga sports leaders ng bansa upang magpahayag ng “Suporta at Pagkakaisa” para masiguro ang tagumpay sa hosting ng 30th Southeast Asian Games sa Nobyembre 30 hanggang Disyembre 11 sa New Clark City-Tarlac, Subic, Metro Manila at Tagaytay City.
Sa pangunguna nina Executive Sec. Salvador Medialdea, PSC chairman William Ramirez, House of Representatives Speaker Alan Peter Cayetano at sina POC acting president Joey Romasanta, dating POC president Ricky Vargas, POC presidential candidates Rep. Abraham Tolentino ng cycling at Philip Ella Juico ng athletics at Sen. Bong Go, idinaos ang pagtitipon kahapon sa Heroes Hall ng Malacañang Palace.
“This meeting is called within the walls of Malacañang Palace to show that President Duterte is giving his 100% support to the country’s hosting of the 30th Southeast Asian Games,” sabi ni Medialdea sa harap ng mga sports leaders at mahigit 300 atleta ng Team Philippines.
Hinikayat ni Medialdea ang lahat na isantabi muna ang mga pagkakaiba sa layunin at magkaisa para sa bansa at sa mga atletang Pilipino.
“As the chief of the government’s sporting arm, I am heavily invested into ensuring that whatever the situation and political climate, our athletes are shielded and given the support they need to focus on their goals of victory,” ayon naman kay Ramirez na siya rin ang Chef de Mission ng Philippine delegation para sa 2019 Manila SEA Games.
- Latest