Semis tinguha sa TNT, NorthPort
CEBU, Philippines — Suwayan sa TNT KaTropa ug NorthPort Batang Pier pagsakmit og luna sa semifinals sa dihang ilang sangkaon ang tagsa-tagsa nila ka mga kaatbang sa PBA Commissioner's Cup.
Harungon sa TNT ang Alaska Aces sa alas-4:30 sa hapon, samtang ang NorthPort moharong sa San Miguel Beermen sa alas-6:45 sa gabii.
Ang TNT nga mitapos sa elimination uban ang 10-1 record gusto nga moabante dayon sa semis aron mahayagan ilang tinguha nga makabalik sa finals.
Bisan nakapabor sila sa tapad, si TNT coach Bong Ravena dili mokompiyansa ug pakusgan dayon nila ang ilang duwa inig sugod batok sa Alaska nga iyang gihulagway nga usa ka delikado team.
Sa ilang bahin, sayod ang Batang Pier nga maglisud sila pagbuntog sa Beermen, apan ilang paningkamuton aron dili sila mabutang sa delikadong sitwasyon.
- Latest
