Pawis at dugo puhunan ng PetroGazz
MANILA, Philippines — Lasap na lasap ng PetroGazz ang tamis ng tagumpay matapos masungkit ang kampeonato sa 2019 Premier Volleyball League (PVL) Reinforced Conference.
Hinubaran ng korona ng Gazz Angels ang two-time champion Creamline sa pamamagitan ng 25-15, 28-30, 25-23, 25-19 desisyon sa rubber match ng finals noong Linggo.
Ngunit hindi biro ang pinagdaanan ng PetroGazz para maabot ang tugatog ng tagumpay.
Pawis at dugo ang naging puhunan ng Gazz Angels upang makuha ito.
At malaki ang pasasalamat ni head coach Arnold Laniog dahil sa dedikasyon na binibigay ng kanyang bataan partikular na kina Cuban Wilma Salas at American Janisa Johnson.
“Answered prayers. Our imports played a big role but again, we did it with the help of all the locals. But the moment they committed themselves to our goal, I knew this championship is ours,” ani Laniog.
Ibinuhos ni Johnson ang lahat upang tulungan ang PetroGazz na makuha ang kauna-unahang titulo sa liga.
Dahil sa kanyang impresibong laro, itinanghal na Finals MVP si Johnson.
“This team is new in the league. We’re all new so I just wanted to do everything I could just to, you know, get the team to where we had goals and you know, get us to the championship,” ani Johnson.
- Latest