Painters nagpalakas sa quarters

MANILA, Philippines — Sa pangatlong sunod na pagkakataon ay muling nabigo ang Hotshots na ma­i­bulsa ang pang-limang tiket sa quarterfinal round.

Humataw si big man Beau Belga ng 22 points tampok ang 4-of-9 shoo­ting sa three-point line para tulungan ang Rain or Shine sa 86-82 panalo laban sa Mag­nolia sa 2019 PBA Com­­missioner’s Cup ka­ha­­pon sa Smart Araneta Co­­liseum.

Humakot ang bagong im­port na si Carl Montgo­me­ry ng 20 points, 12 rebounds, 4 assists, 2 blocks at 2 steals sa kanyang de­­but game, habang may 14 markers si Ed Daquioag.

Sumosyo ang Elasto Pain­ters sa Hotshots sa ika­apat na puwesto sa magka­tulad nilang 5-5 baraha.

Itinayo ng Magnolia ang 12-point lead, 33-21, mula sa basket ni Rome Dela Ro­­sa sa huling 3:33 minuto ng second quarter.

Ngunit naghulog ng 17-8 bomba ang Rain or Shine para agawin ang 52-49 abante sa 6:57 minuto ng third period patungo sa pagtatayo ng 11-point ad­­vantage, 80-69, sa 7:05 minuto ng final canto.

Kumonekta naman ng tatlong triples sina Mark Barroca at Jio Jalalon ka­su­­nod ang basket ni Ian Sangalang, umiskor ng 22 points, para ilapit ang Magnolia sa 80-84 sa natitirang 1:31 minuto ng laro.

Isinalpak ni Gabe Norwood ang dalawang free throws sa huling 9.2 segun­do para selyuhan ang pa­nalo ng Elasto Painters.

Para makuha ang tiket sa eight-team quarterfinals ay kailangang talunin ng Rain or Shine ang San Mi­guel sa Sabado sa Caga­yan de Oro City.

“Sabi ni coach Caloy (Garcia) whatever happens kapag ibinigay namin ‘yung 100 percent namin hindi ka­mi magre-regret sa ma­gi­ging resulta,” pahayag ni Belga. “Hopefully, manalo ka­mi sa San Miguel.”