SOCCSKSARGEN Marlins ‘di pakakabog sa mga kalaban
MANILA, Philippines — Bagama’t baguhan pa lamang ang SOCCSKSARGEN Marlins, tangan nila ang puso at fighting spirit para makipaglaban kontra sa mahigit 30 koponan sa 2019 Maharlika Pilipinas Basketball League (MPBL) Lakandula Cup.
“We’re a new team hoping to make a difference in this MPBL Lakan Cup. With the help of our LGU and our new sponsor, we’re confident we’ll do well,” sabi ni team manager Henry Serrano sa TOPS “Usapang Sports” sa National Press Club sa Intramuros, Manila.
Sasandal ang Marlins nina dating Talk N Text mainstay Aby Santos, ex-Philippine Christian University standout Ian Garrido,John Samigue at homegrown stars Mikko Estrellante at Excel Nocos.
“Kahit first time namin mag-join sa MPBL, target namin talaga makapasok sa playoffs. Mahaba itong tournament. We have 30 games in all. “We can assure you na competitive itong team namin. Lalaban talaga,” ayon naman kay assistant coach Danny Florano.
Kabilang din sa kanilang inaasahan sina dating PBA star Norman Gonzales na pangungunahan ni 6’4 Santos bilang leader ng koponan.
“Yun leadership at experience ko ang pwede ko ibigay sa team bawat game,” ani Santos.
- Latest
