Jimuel wagi kay Marquez
MANILA, Philippines — Nairehistro ni Jimuel Pacquiao ang unanimous decision win laban kay Kim Daryll Marquez sa isang amateur bout sa Elorde gym sa Romacom Center sa Muntinlupa City.
Nagpasiklab ang panganay na anak ni Manny Pacquiao gamit ang matatalim na suntok at impresibong footwork para makuha ang boto ng tatlong hurado.
Umiskor ito ng 30-26, 29-27, 30-24 desisyon laban kay Marquez.
Ito ang ikaapat na panalo ni Jimuel.
“This fight was good. It will make me work hard in the gym especially if you’re opponent is strong like that because you have to match it. There are so many talented and hardworking in boxing,” anang 18-anyos na si Jimuel.
Mas matindi aniya ang paghahandang ginawa nito para sa laban kumpara sa kanyang unang tatlong bakbakang hinarap.
Umaasa naman si Marquez na muli silang magtatagpo ni Jimuel sa hinaharap.
- Latest
