Ravena balik-aksyon vs E-Painters
Lara Ngayon(Smart Araneta Coliseum)
4:30 p.m. NLEX vsRoS
7 p.m. Ginebra vs Phoenix
MANILA, Philippines — Pupuntiryahin ng nagdedepensang Barangay Ginebra ang kanilang ikatlong sunod na ratsada habang muling ipaparada ng NLEX si guard Kiefer Ravena.
Hangad ang kanilang pang-limang panalo, lalabanan ng Gin Kings ang Phoenix Fuel Masters ngayong alas-7 ng gabi matapos ang pagtutuos ng Road Warriors at Rain or Shine Elasto Painters sa alas-4:30 ng hapon sa 2019 PBA Commissioner’s Cup sa Smart Araneta Coliseum.
May 4-3 baraha ang Ginebra sa ilalim ng TNT Katropa (7-1), NorthPort (7-2), Magnolia (4-2) at Blackwater (5-3) kasunod ang Alaska (4-4).
Naging impresibo si Fil-Am guard Stanley Pringle, ipinalit kina Sol Mercado, Jervy Cruz at Kevin Ferrer sa Batang Pier, sa kanyang debut para sa Gin Kings nang magtala ng 16 points, 5 rebounds at 3 assists sa kanilang 100-85 paggupo sa Road Warriors.
“He’s a good defender, and you know everybody knows what he can do on offense,” sabi ni resident import Justin Brownlee sa 32-anyos na si Pringle.
Hangad naman ng Fuel Masters na maduplika ang kanilang 97-87 panalo laban sa Batang Pier para mapaganda ang 3-4 marka nila.
Sa unang laro, makikita naman sa aksyon si Ravena para sa NLEX matapos isilbi ang kanyang 18-month suspension ng FIBA dahil sa pagiging positibo sa banned substance.
Maliban kay Ravena, itatampok din ng Road Warriors si balik-import Olu Ashaolu bilang kapalit ni Tony Mitchell.
- Latest
