NLEX nag-ilis og import
CEBU, Philippines – Gipapauli sa NLEX Road Warriors ang import nilang si Tony Mitchell kay wala kaayo kini makatabang sa ilang kampanya sa PBA Commissioner's Cup.
Nakahukom ang NLEX sa pagpauli ni Mitchell human ang Road Warriors nangiwit sa standing uban ang 1-7 nga baraha ug nipis na kaayo ang kahigayonan makasulod sa playoffs.
Bisan maglisud na sila og sulod sa playoffs, si NLEX coach Yeng Guiao gusto gihapon nga modaog sa nahibilin nilang mga duwa sa elimination.
Mohulip ni Mitchell mao si Olu Ashaolu.
Si Guiao mitug-an nga si Ashaolu mao unta ilang kuhaon nga import alang sa Governors' Cup, apan napugos sila sa pagpaduwa niini tungod kay wala na sila'y paglaum sa nagpadayong conference.
- Latest