Lakers, Bucks inilog sunod season
CEBU, Philippines — Katingalahan kaayo kay wala sa duha ka NBA finalists Toronto Raptors ug Golden State Warriors nga inilog nga mokampiyon sa sunod NBA season.
Basi sa migawas nga resulta sa betting favorite sa mga casino ilabi na didto sa Las Vegas, ang Los Angeles Lakers ug Milwaukee Bucks ang gisugalan sa kadaghanan nga maoy adunay dakong purohan nga mokampiyon sunod season.
Ang sikat nga betting site nga FanDuel, giingon nga daghan ang mituo nga anaa ra sa Lakers ni LeBron James ug Bucks ni Giannis Antetokounmpo ang sunod nga mokupot sa O'Brien trophy.
Ang Bucks mitala og +480 favorites, gisundan sa Lakers nga +400. Nagsunod ang bag-o lang mikampiyon nga Raptors ug Golden State Warriors sa lista sa mga gituohan nga mokampiyon.
Nakapadako sa pagtuo sa mga sporting fans mao ang posibilidad nga makakuha ang Lakers og laing lig-ong All-Star player nga ikatimbang ni James aron molampos, samtang ang Bucks gituohan nga magpalig-on og maayo human sila mapakyas sa Eastern Conference semis batok Raptors.
- Latest