Warriors mipasalig nga title contender gihapon sunod season
CEBU, Philippines – Mipasalig sila si Stephen Curry ug Draymond Green nga magpabilin gihapon ang Golden State Warriors nga championship contender bisan pa man sa ilang kapildihan sa Toronto Raptors sa NBA Finals ug ingon man sa seryosong mga injury nga nahiaguman sa duha nila ka bitoon nga sila si Klay Thompson ug Kevin Durant.
Wala nang daan si Durant, nasamotan pa ang kalbaryo sa Warriors human si Thompson wala makatiwas og duwa kay na-injured ang tuong tiil sa hinapos nga bahin sa ikatulong kuwarter. Gikompirmar sa ahente ni Thompson nga si Greg Lawrence nga ang All-Star guard nakahiagum gyud og ACL injury sa wala niining tuhod.
Gumikan sa ilang nadangatan, sila si Durant ug Thompson nga parehong mamahimo nga free agent sunod bulan, lagmit dili makaduwa sa sunod nga NBA season kay mopaubos man sila sa rehabilitasyon.
- Latest