Durant gioperahan, mopaubos usa ka tuig nga rehabilitasyon
CEBU, Philippines — Gioperahan kagahapong adlawa si Golden State Warriors superstar Kevin Durant aron ayuhon ang nagisi niining right Achilles tendon.
Mismo si Durant ang mikompirma niini pinaagi sa usa ka post sa iyang Instagram account.
"What's good everybody I wanted to update you all: I did rupture my Achilles. Surgery was today and it was a success, EASY MONEY," matud pa ni Durant. "My road back starts now! I got my family and my loved ones by my side and we truly appreciate all the messages and support people have sent our way."
Si Durant nga mi-average og 34.2 puntos matag duwa, nakahiagum sa maong seryoso nga injury atol sa Game-5 sa NBA Finals niadtong Martes diin ang Warriors midaog, 106-105 aron pag-angkon og laing kinabuhi sa ilang best-of-seven series batok sa Toronto Raptors.
Mao kadto ang labing unang pagbalik ni Durant human siya makapalta og siyam nga duwa sud sa usa ka buwan gumikan kay na-injured ang tuo niyang bagtak.
Gumikan sa iyang nadangatan, si Durant mopaubos og usa ka tuig nga rehabilitasyon ug lagmit laing usa ka tuig aron siya makabalik sa maayong kondisyon ug hait niyang porma.
- Latest