4 teams agawan sa buwenamano
Laro Ngayon(MOA Arena, Pasay City)
4 p.m. Opening Ceremonies
6 p.m. Bicol vs Basilan
8 p.m. Zamboanga vs Davao Occidental
MANILA, Philippines — Uumpisahan ng Datu Cup runner-up Davao Occidental Tigers ang kanilang kampanya sa pagharap kontra sa Zamboanga Valientes habang susubukan naman ng Basilan Steel ang baguhang Bicol Volcanoes ngayon sa pagbubukas ng 2019 Maharlika Pilipinas Basketball League (MPBL) Lakandula Cup sa Mall of Asia Arena sa Pasay City.
Haharapin ng Davao Tigers ang Zamboanga sa alas-8 ng gabi pagkatapos ng pagtatagpo ng Basilan at Bicol sa alas-6 ng gabi. Ipaparada naman ng MPBL ang lahat ng 31 koponan sa opening ceremonies simula sa alas-4 ng hapon.
Inaasahang pangungunahan ng mga beteranong sina Yvan Ludovice, Richard Albo, Marco Balagtas at Chester Saldua ang Tigers laban sa deadly trio ng Zamboanga na sina Harold Arboleda, Robin Rono at Reed Juntilla.
Sa iba pang laro, tiyak magpapakitang gilas agad ang mga Volcanoes na sina Ronjay Buenafe at Alex Nuyles habang itatapat naman ng Basilan sina Jay Collado, Hesed Gabo, Bobby Balucanag, Jett vidal, Michole Sorela at Shaq Alanes.
Mahigit 31 koponan ang sasabak sa ikatlong season ng home-and-away league matapos humabol ang Bacolod City. Hinati sa Northern Division at Southern Division ang mga maglalaro sa season na ito.
- Latest