Clarkson dili kaduwa sa Gilas sa world cup

CEBU, Philippines – Dili na maglaum pa ang Gilas Pilipinas nga makaduwa uban kanila si Cleveland Cavaliers star  Jordan Clarkson sa  World Cup sa Agosto didto sa China.

Gumikan kay wala  mosugot ang FIBA nga ilhon si Clarkson isip usa ka local player. Mamahimo nga moduwa si Clarkson, apan isip usa ka naturalized player, apan anaa si ex-NBA center Andray Blatche. 

Ang Samahang Basketbol ng Pilipinas (SBP) naglisud pagkumbinsir sa FIBA nga usa ka local player si Clarkson human ang nauwahi pakyas pagkuha og Philippine passport sa wala pa siya nag-edad oga 16-anyos.

Ang pagdungan unta og duwa ni Clarkson ug Blatche gitan-aw nga makapadugang sa tsansa sa Gilas sa ilang kampanya. Bisan pa og dili sila masulod   sa semifinals. Ang Gilas magkinahanglan nga mahimong usa ka top placing Asian teams nga moseguro  kanila og  luna sa 2020 Olympics.

Bugtong ang Japan ang segurado sa Olympics tungod kay sila ang host. Ang mga Asian teams nga moduwa sa World Cup naglakip sa China, Iran, Jordan ug South Korea.