Leonard, Raptors pokus kay Curry
TORONTO -- Umiskor si Stephen Curry ng 34 points sa 109-118 kabiguan ng Golden State Warriors laban sa Raptors sa Game One ng 2019 NBA Finals noong Huwebes.
Sinabi ni Toronto star forward Kawhi Leonard na isang bagay lang ang maaaring makapigil kay Curry, inihatid ang Golden State sa tatlong NBA titles.
“Chase him as hard as you can,” wika ng two-time NBA Defensive Player of the Year.
Susubukan ng Raptors na maitayo ang 2-0 bentahe sa kanilang pagsagupa sa Warriors sa Game Two ngayon.
Bumaba ang playoff average ni Leonard sa 30.7 points nang limitahan siya ng Golden State sa 23 points sa Game One.
Dapat makakuha ng solidong suporta si Leonard sa kanilang pagsagupa sa Warriors at kay Curry.
“I call him a transformational player,” sabi ni Raptors head coach Nick Nurse kay Curry. “He’s got kids all over the world shooting from 40 feet away.”
“I think even as you’ve seen the three-point shot become so rapidly used in the last three or four years, a lot of that is because of Golden State and Steph and Klay (Thompson) and some of the other guys,” dagdag pa nito.
Alam ni Leonard na tatapunan siya ng Warriors ng mga double teams sa Game Two.
“I come into the game just trying to win,” sabi ng three-time NBA All-Star. “If I have my mindset on just trying to score the ball, yeah, it could be difficult. But I’m trying to make the right play out there, and obviously if there are two people on me, somebody is open.”
Ang tinutukoy ni Leonard na bumida sa Game One ay si Cameroonian Pascal Siakam na humataw ng playoff career-high na 32 points.
Itinuring na underdog ang Raptors laban sa Warriors sa NBA Finals game na idinaos sa labas ng United States sa unang pagkakataon.
Hindi basketball ang No. 1 sport sa Canada, kundi ice hockey.
“Coming in, I wanted to be able to contribute to the team and be able to get them to this point, and we’re doing it so far,” sabi ng Toronto leading scorer.
- Latest
