Nag-ungguyan
Hindi ko alam kung sino ang paniniwalaan ko.
Pwedeng ang girlfriend ni Bobby Ray Parks Jr. or si Calvin Abueva.
Sabi ni Parks, binastos ni Calvin and sweetheart niya na si Maika Rivera na nasa ringside nung maglaban ang Blackwater at Phoenix.
Nanalo ang Phoenix nung Biyernes. Pero hindi yun ang istorya kundi ang ringside incident nila Maika at Calvin.
Tinawag daw ni Calvin na “bitch” si Maika at may kasama pang malaswang kilos. Ayon sa report, napaiyak si Maika.
Ang sabi naman ni Calvin, nauna ang magandang artista nang tawagin niya si Calvin na “unggoy” at may kasama rin na dirty finger.
Bihira mapikon si Calvin. Madalas eh yung iba ang napipikon sa kanya.
Kaya baka nga may nasabi rin si Maika na ikinainis ng “The Beast.”
Natural, napikon din si Bobby Ray at nagngitngit. Kung nalaman daw niya ng maaga ang nangyari eh iba ang kalalabasan.
Malamang daw eh na-thrown out si Bobby Ray. Kung ano ang ibig niya sabihin ay hindi natin nakita.
Na-fine si Calvin ng P20,000 ng Phoenix management dahil sana raw ay nakapagtimpi ang superstar.
Babae nga naman kasi ang nakatunggali niya.
Magandang abangan ang susunod na game ng Blackwater at Phoenix. Parks vs Abueva.
Baka magkaalaman.
- Latest
