Game 2 kukunin namin! —Kerr
TORONTO — Alam ni head Steve Kerr na makakabangon ang Golden State Warriors mula sa kabiguan sa Game One para makatabla sa Raptors sa NBA Finals.
Sinabi ni Kerr na may sapat na championship experience ang Golden State para resbakan ang Toronto sa kanilang best-of-seven championship series.
“The experience helps,” wika ni Kerr sa Warriors isang araw matapos silang talunin ng Raptors sa Game One.
“Winning multiple championships helps because you have seen it all. There's also just the knowledge that you've been here before. You've been down. We have been up 3-1 and lost a series. We have been down 3-1 and won a series. Everything in between. So nothing is going to catch these guys off-guard,” dagdag pa ni Kerr.
Naghabol sa halos kabuuan ng laro ay nanatili namang nakadikit ang Golden State sa Toronto hanggang sa katapusan ng laro.
“No matter what, our sights were coming in that it's a long series,” sabi ni Warriors star Stephen Curry. “And Game Two is an opportunity for us to right the wrongs and get a big win and go back home.”
Bukas (Manila time) ay pipilitin ng Warriors na makatabla sa Toronto sa Game Two.
Huling natalo ang Warriors sa Game One noong 2016 Western Conference finals kontra kay Kevin Durant at sa Oklahoma City Thunder. Binalikan ng Golden State ang Oklahoma City sa Game Two at tinapos ang serye sa 4-3.
Simula nang gamitin ng NBA ang 16-team format para sa 1984 postseason, ang mga Game One winners ang palaging naghahari.
Ngunit hindi ito masyadong iniisip ni Kerr.
“As soon as you lose a game, it will be on the crawl that now we only have a 19.7% chance of winning the series. Then if we win (Sunday) we'll have a 42.7% chance of not losing the series,” ani Kerr.
- Latest
