Gilas mosalmot pocket tournament didto sa Spain

CEBU, Philippines – Kompirmado na nga ang  Gilas Pilipinas mosalmot og usa ka pocket tournament didto sa Spain diin ilang sukdon ang abilidad sa European powerhouse uban ang duha ka lig-ong African teams.

Kabahin kini sa  preparasyon sa Gilas alang sa FIBA World Cup sa Agosto 31 hangtod Septiyembre 15 didto sa China.

Molarga sila paingon sa Espanya sa hinapos nga bahin sa Hulyo. Gawas sa Spain nga giisip nga usa sa mga  title contender, ang Gilas makigsangka usab sa Ivory Coast ug Congo.

Sa dili pa ang tune-up tournament, ang Gilas magsugod na sa ilang senemana nga training didto sa kaulohan sa Hunyo. Ang PBA miuyon na nga mopahuwam sa ilang mga magduduwa alang sa Gilas.