Lillard miduwa bisan nayayay

CEBU, Philippines — Gikompirma ni Portland star guard Damian Lillard kagahapon nga miduwa siya bisan og dunay gibatyag nga sakit sa iyang gusok ug nga nagsul-ot siya og padding aron kini maprotektahan atol sa kaparotan sa Trail Blazaers batok sa Golden State Warriors sa Game-3 sa NBA Western Conference finals niadtong Domingo.

Si Lillard mitug-an ngadto sa mga tigbalita nga nayayay siya niadtong Game-2 diin   naparot sab sila.

Miinsister hinuon si Lillard nga wala maka-apekto sa iyang dinuwaan ang iyang nadangatan.

Nagkanayon si Lillard nga nahiaguman niya ang maong angol sa ikatulong kuwarter atol sa Game-2 niadtong Biyernes human si Kevon Looney sa Warriors nalandig ug midat-og kaniya samtang sila nag-inilogay sa bola. Sa maong duwa, si Lillard mitali og 19 puntos, apan mipasud lamang og lima sa 18 niya ka itsa. (BANAT NEWS)