Masayran na kontra ni Donaire
CEBU, Philippines — Seguradong mag-atang si super WBA bantamweight champion Nonito Donaire Jr. sa resulta sa sangka tali ni Japanese boxing star Naoya Inoue ug Puerto Rican Manny Rodriguez karon didto sa Scotland.
Sila si Inoue ug Rodriguez magsangka alang sa regular WBA ug IBF championships ug ang modaog maoy moharong ni Donaire sa finals sa bantamweight series. Ang modaog makaangkon sa tanang bakus sa 118 lbs. division.
Si Inoue maoy inilog sa maong sangka tungod sa rekord niini nga 17-0, 15KOs, apan dili usab kabintahaan ang Puerto Rican nga si Rodriguez (19-0, 12KOs) nga mibahad og knockout batok sa Hapon.
Si Donaire miabante sa finals human sa iyang six round knockout nga kadaogan batok sa Amerikano nga si Stephon Young atol sa semifinals niadtong miaging bulan.
- Latest
