Higante import sa Magnolia

CEBU, Philippines – Nikuha og higanteng import ang Magnolia Hotshots ug gibira nila ang 6-foot-9 nga si John Fields alang sa PBA Commissioner's Cup nga buksan karong Mayo 20.

Ang 31-anyos nga si Fields usa ka veteran import ug katapusang niduwa sa ABL uban sa Singapore Slingers diin siya mi-average og 22.2 points, 12.5 rebounds ug 1.7 blocks.

Si Magnolia coach Chito Victolero miangkon nga huyang ilang center position ug si Fields ang ilang solusyon.

Gawas sa scoring,  si Fields  kasaligan sab sa depensa.

Kini ang ikaduhang higayon nga moduwa si Fields sa PBA. Gikuha na siya isip replacement import sa Columbian Dyip niadtong miaging season.