Rain or Shine wa'y kalagot ni Almazan

CEBU, Philippines – Giklaro ni Rain or Shine Elasto Painters co-team owner Raymund Yu nga wala sila'y bisan gamay nga kalagot ngadto ni Raymond Almazan nga ilang gi-trade ngadto sa Meralco Bolts niadtong Martes.

Miangkon hinuon si Yu nga wala na'y maayong relasyon si Almazan ngadto sa iyang coach nga si Caloy Garcia ug team manager nga si Mamerto Mondragon tungod sa personal nga isyu sa kanhi national team player.

Ang 29-anyos nga si Almazan gilimitahan sa iyang playing time sa  miaging mga conference tungod sa injury ug sa kanunay nga pag-absent niini sa team practice.

Hinuon, si Yu miingon nga mapasalamaton sila sa  natampo ni Almazan sa unom ka tuig niini sa koponan. 

Sa iyang bahin, si Meralco coach Norman Black masaligon nga dako og papel si Almazan sa mga umaabot nilang mga duwa.