Titulo sakmiton sa Magnolia
CEBU, Philippines — Mameligro ang Magnolia Hotshots kun mosangko sa Game-7 ang ilang finals series batok sa San Miguel Beermen.
Aron ila kining malikayan, kinahanglan nga dag-on sa Magnolia ni coach Chito Victolero ang Game-6 karong gabii didto sa Smart Araneta Coliseum.
Ang Hotshots midaog sa kulbahinam nga Game-5 niadtong Biyernes diin giluwas sila ni Mark Barroca nga mipasud sa buzzer-beater alang sa 88-86 nga kadaogan.
Bisan og wala pa'y seguro kun makaduwa karon si Paul Lee tungod sa injury sa miaging duwa, si Victolero mihangyo sa iyang mga batos nga ipakita ang tanan nilang katakus karon aron hingpit na nilang masakmit ang kampiyonato.
Gawas ni Barroca, lain pang saligan ni Victolero mao sila si Ian Sangalang ug Jio Jalalon, samtang ang Fil-American nga si Rafi Reavis gitahasan nga modepensa ni Beermen MVP JuneMar Fajardo.
- Latest