Canillas midaog na sab sa CABL Season 1
CEBU, Philippines – Midaog sa ikaduhang sunod-sunod nga higayon ang Canillas Customs Brokerage nga nag-una na sa standing sa Cebu Aduana Basketball Leagends (CABL) Season 1.
Ang Canillas mipukan sa Portmen sa iskor nga 71-62 niadtong Sabado didto sa Basak gym, Cebu City.
Si Rex Bensi maoy nangu sa tulo ka Canillas players nga miiskor og double figures sa iyang 17 puntos. Gisundan nilang Marvin Sillar ug Janno Boniao nga mitimbre'g 12 puntos matag usa sa Canillas nga nakigsawo na karon sa liderato uban sa Matibag sa managsama nilang baraha, 2-0.
Si Shun Cal lang ang naka-double digits sa 1-1 nga Portmen pinaagi sa iyang 10 puntos.
Sa laing duwa, si Alan Sepe mibagnos og 33 puntos aron giyahan ang JD&M Customs Brokerage paglubong sa Alin Brokerage, 81-70.
Ang Alin gipangulohan nilang Ryan Barral ug Loreto Castillo nga nagkumboya'g 31 puntos, samtang si Jose Velarde miamot og 10 puntos.
Midaog sab ang Jam Brokerage dihang ilang gipanamastamasan ang OPASCOR, 83-59.
Miburak og 20 puntos si Jaymar Elloren aron mangu sa upat ka Jam Brokerage players nga miiskor og double digits. Si Jovie miambit og 19, gisundan ni Primitivo Mondin sa iyang 15 puntos ug Unalee Monares nga adunay 12.
Ang OPASCOR gipangulohan nilang Renato Garcia ug Rafanon nga nagkumbinar og 26 puntos.
Ang Jam Brokerage ug OPASCOR pareho karong nagtangag og 1-1 nga baraha ning maong liga nga gidumala nilang Janno Boniao, Noel Medalle, Ferdinand Sigue, Sidney Ganapin ug Jun Gayo ug ni Roy Canillas isip consultant.
PUNTOS MATAG USA
Unang duwa:
CANILLAS (71) – Bensi 17, Sillar 12, Boniao 12. Ciabo 8, Belarmino 7, Bukiron 6, Sigue 6, Dela Cerna 5, N. Medalle 4, Cabanada 2, Marata 2.
PORTMEN (62) – Cal 10, Jordan 8, Bejoc 7, Regidor 7, Embrado 6, Viador 4, Villacampa 4, Oyao 3, Espina 3, Monteño 2.
Ikaduhang duwa:
JD&M (81) – Sepe 33, Generalao 12, Borromeo 7, Manlosa 7, Ibo 6, Fuentes, 4 Valle 4, Velez 4, Jamolin 2.
ALIN (70) – Barral 17, Castillo 14, Velarde 10, Deniega 9, Gulbin 9, Bitang 6.
ikatulong duwa:
Jam (83) – Elloren 20, Jovie 19, Mondin 15, Monares 12, Entero 6, Diano 4, Avenido 3, Rodriguez 2.
Opascor (59) – Rafanon 15, Garcia 11, Piape 9, Gaviola 9, Quiño 7, Pastor 6, Respecia 2.
- Latest