Central Visayas igo ra mipuwesto sa ika-5 sa Palaro
CEBU, Philippines — Dili lang pakyas sila sa ilang misyon nga masakmit ang overall championship, ang Central Visayas natagak usab og usa ka ang-ang gikan sa ilang ranking sa miaging tuig human sa aksyon sa 2019 Palarong Pambansa kagahapon didto sa University of the Philippines-Mindanao Sports Complex didto sa Davao City.
CV maoy fourth placer sa miaging tuig, natagak sa ikalima human sa usa ka semana nga torneyo sa ilang 24 ka golds, 22 ka silvers ug 33 ka bronzes. Mihatud sa katapusang tulo ka golds sa koponan ang ilang football, tennis ug badminton teams.
Ang Central Visayas elementary team ni coach Glenn Ramos milampos pagsakiyo sa gold batok sa Western Visayas, 2-1, apan nabawsan ang ilang secondary team sa mga Negrenses, 2-1.
Sa tennis, ang tandem nila ni Daveain Therese Gauran ug Shara Louise Paliwag sa Negros Oriental mihatud og bulawan sa CVIRAA pinaagi sa girls doubles.
Ang mga archers sa Dumaguete maoy labing daghan og gold nga nahatag sa koponan nga miabot og unom, ang arnis team sa Lapu-Lapu mihatud og upat ka golds, duha gikan sa chess, tulo sa gymnastics, duha sa wrestling, upat sa badminto ug usa sa boxing.
Sama sa gilauman, ang National Capital Region pabiling hari sa ilang 86 ka golds, 71 ka silvers ug 56 ka bronze medals gisundan sa Calabarzon (66-49-76) ug Wester Visayas (49-40-58) sa ikaduha ug ikatulong luna.
- Latest