District 7 Resto Bar, Harold's Hotel daog
CEBU, Philippines – Nagkumbinar og 51 puntos sila si Francois 'The Clutch' Paracuelles ug Alexis 'The Prince' Pepito aron pangulohan ang District 7 Resto Bar nga mipilde sa EJ & Ejean, 85-78 sa FYA Basketball Tournament Season 23 Yoyi's Pastries & Desserts Cup 2019 niadtong Martes didto sa Atillo gym.
Gumikan sa nindot nilang salida, gisaw-an nila ang dungog isip co-best players of the game. Si Paracuelles miiskor og 30 puntos uban ang 12 ka rebounds, samtang si Pepito mihimo triple-double sa iyang 21 puntos, 10 ka rebounds ug 10 sab ka assists sa District 7, kansang tres puntos nga labaw sa first period, 24-21 nainat ngadto sa 72-54 sa halftime. Si Jim Jim Rara mitampo'g 19 puntos sa District 7 ni team manager Rady Abarintos ug coach Sammy Babatid nga aduna na'y 2-1 record.
Tulo ka players sab ang naka-double figures sa EJ & Ejean nga gipaluyohan ni Baeng Medalle. Si Boki Teves mikadlit og 20 puntos, gisundan ni Dandan Bocado sa iyang 18 puntos ug Derick Tabares nga adunay 11 puntos.
Sa laing duwa, ang Harold's Hotel ni Arnel Trinidad mihirit sab og 2-1 nga baraha human matutyo ang Yoyi's Pastries & Desserts, 74-61. Sila si McLain Alkuino ug Jade Ursal parehong mihipos og 14 puntos sa maong daog. Apan si Alkuino maoy napiling best player of the game kay gawas sa iyang iskor milangkat siya og 10 ka rebounds ug walo ka assists alang sa Harold's Hotel nga mao sab ang midiktar sa tibuok duwa.
Ang Yoyi's Pastries gipangulohan sab ni Jao Rabadon nga mihaling og 23 puntos. Ang team ni Ahlmark Albarracin nagtangag na karon og 1-2 nga baraha.
PUNTOS MATAG USA
Unang duwa:
HAROLD's Hotel (74) – Alkuino 14, Ursal 14, E. Jumantoc 9, R. Dacayana 8, A. Flores 8, Bellones 8, J. Cabañez 6, Arnado 3, B. Medalle 2, C. Villacastin 2.
YOYI's Pastries (61) – Rabadon 23, R. Caballes 8, Albarracin 7, Cababahay 7, B. Aglipa 4, Lucaberte 4, J. Ursal 4, Mata 2, Haningon 2.
Ikaduhang duwa:
DISTRICT 7 (85) – Paracuelles 30, Pepito 21, Rara 19, A. Endrina 5, Lumagbas 4, J. Enriquez 2, T. Abella 2, Navarro 2.
EJ & Ejean (78) – Teves 20, Bocado 18, D. Tabares 11, Regudo 9, Villarosa 7, O. Masongsong 7, S. Cal 2, D. Demol 2, Santillan 2.
- Latest