Chris Paul gipamulta'g $35 sa NBA
CEBU, Philippines – Gipamulta sa NBA si Houston Rockets guard Chris Paul og $35,000 (P1.82 million) gumikan sa agresibo niining pagkompronta sa usa ka reperi atol sa 100-104 nilang kapildihan ngadto sa Golden State Warriors sa Game-1 sa ilang 'best-of-seven' Western Conference semifinals niadtong Lunes didto sa Oracle Arena sa Oakland, California.
Taliwala sa kainit sa duwa, kalit nga gibanggaan ni Paul si reperi Josh Tiven sa katapusang kuwarter.
Mibokal ang dugo ni Paul ngadto sa mga opisyal kay walay gitawag nga loose ball foul batok ni Klay Thompson sa nahibiling kuwatro segundos sa duwa.
Gumikan niini, si Paul na-ejected human mapitohi sa ikaduha niyang technical foul.
Giangkon hinuon ni Paul ang iyang sayop dayong ingon nga sa sunod angayan na niyang kontrolahon ang iyang emosyon.
- Latest