Island Hot Wings, 3-0 na sa FYA Season 23 cafefest
CEBU, Philippines – Padayong naghari sa standing ang Island Hot Wings dihang ilang gipahilom ang Z&G Pro Audio, 72-69 sa kulbahinam nilang duwa sa FYA Basketball Tournament Season 23 Yoyi's Pastries & Desserts Cup 2019 niadtong Domingo didto sa Atillo gym sa Labangon, Cebu City.
Kulbahinam sab ang duwa sa AVTES ug sa Nevaeh Sales Trading ug nagdaog sab kini og tres puntos.
Ang AVTES nilang Macky Macachor ug Allen Tulod mipilde sa Nevaeh Trading Sales ni Jofel Tejada sa iskor nga 78-75.
Ang Island Hot Wings nga aduna na'y 3-0 record gipangulohan ni Justine 'The FYA Hotshot' Urot nga mipabuhagay og 20 puntos uban ang walo ka rebounds ug unom ka assists nga igo na kaayo alang kaniya aron tahuron nga best player of the game.
Sila si Daniel Enriquez ug Val Anthony Ensong nagkumboya'g 22 puntos sa Island Hot Wings ni Junrey Arreglo nga wala na molingi pa human mitala og 56-55 nga bentaha human sa tulo ka kuwarter.
Ang Z&G Pro Audio ni Dave Natividad nga wala pa'y daog sa tulo ka duwa, gipangulohan sab ni Dave Caballes nga mipaksit og 18 puntos ug Dondon Rama nga milaksi og 10 puntos.
Sa laing bahin, balanse ang opensiba sa AVTES ug timaan niini nga ang tanang 12 nila ka players ang miiskor og double figures pinangulohan ni Jas 'The Ninja' Sydiongco nga mikulit og 15 puntos. Ang best player nga si Sydiongco milangkat sab og walo ka rebounds, lima ka assists ug tulo ka steals.
Sila si Dexter Caballero ug Wako Dacayana mitimbre'g 12 puntos matag usa, samtang si Ryan Villaver miambit og 11 puntos sa AVTES nga aduna na'y 2-1 win-loss record.
Bugtong si Val Ramirez lang ang miiskor og double figures sa Nevaeh Sales Trading pinaagi sa iyang 18 puntos.
Ang Nevaeh nga nasagunsonan og duha ka pilde nagbitbit na og 2-1 nga baraha.
PUNTOS MATAG USA
Unang duwa:
AVTES (78) – Sydiongco 15, D. Caballero 12, W. Dacayana 12, R. Villaver 11, Canoy 7, A. Abella 5, Tulod 4, Laput 4, M. Macachor 2, Dechosa 2, Celestial 2, Ares 2.
NEVAEH (75) – V. Ramirez 19, Tejada 8, T. Marata 8, J. Enriquez 8, E. Reubal 7, N. Medalle 6, Dela Peña 6, Mancao 6, Demol 4, B. Navarro 2, R. Tabares 1.
Ikaduhang duwa:
ISLAND Hot Wings (72) – Urot 20, D. Enriquez 12, Ensong 10, Patalita 8, Arias 8, G. Noquillo 4, E. Noquillo 2, Laud 2, J. Flores 2, A. Navarro 2, Garcia 2.
Z&G (69) – D. Caballes 18, Rama 10, Regudo 8, Montenola 8, Montillero 6, Miano 6, Tabaña 4, Engaling 4, Cabreros 3, Silvano 2.
- Latest
