Pres. Duterte dinapit sa palaro pambansa opening

CEBU, Philippines — Dul-an sa 20,000 ka   atleta, coaches ug technical officials gikan sa nagkadaiyang dapit sa nasud ang maghugop didto sa Davao City sa pormal nga pagbukas sa 2019 Palarong Pambansa.

Si  Presidente  Rodrigo Duterte ang pinasidunggang dinapit ug mamumulong ning tinuig nga multi-sporting event didto sa Davao City-UP Sports Complex. Mohimo sab sa welcome remarks ang iyang anak ug Davao Mayor Sara Duterte-Carpio.

Kini ang labing unang higayon nga mo-host ang Davao sa Palaro sukad niadtong tuig 1950.

Mahimong engrande ang maong opening ceremony nga tambungan sa pipila ka mga politiko, artista ug singers.

Sa gihapon, ang National Capital Region mao ang gilauman nga modominar sa torneyo.

Ang Central Visayas nga gibidahan sa mga Cebuano athletes laraw nga mopalambo sa ilang performance. Ang Central Visayas misakmit sa ikaupat nga dapit niadtong 2018 edition sa ilang 26-25-36 gold-silver-bronze medals.