Parks pirma na og kontrata
CEBU, Philippines — Hingpit na nga nakumbinser sa Blackwater Elite ang kanhi NBA D-League cager nga si Ray Parks Jr. nga moduwa sa ilang koponan karon nga season.
Inay tulo ka tuig nga kontrata, si Parks igo lang mipirma og two-conference contract nga nagpasabot nga usa na siya ka free-agent human sa season.
Si Parks nga napili isip No. 2 pick sa Blackwater sa miaging Rookie Draft, nakigkita kagahapon sa kadagkoan sa Blackwater diin sila nagpinirmahay og kontrata.
Ang two-time MVP sa ABL nga si Parks nag-average og 15.8 points ug 4.2 rebounds ug giatngan nga mamahimong usa ka lig-ong puwersa sa liga sa umaabot.
Wala hinuon mihatag og komento ang Blackwater sa pagpirma ni Parks og two-conference contract inay ang tulo ka tuig nga kontrata nga nagkantidad unta og P10.4 million.
- Latest