Magsayo moaway og balik karong mayo didto sa Singapore
CEBU, Philippines — Human sa kapin usa ka tuig, mobalik na og saka sa ring si undefeated prospect Mark Magsayo diin iyang sangkaon ang Indonesian nga si Erick Deztroyer sa Mayo 12 didto sa Singapore.
Si Magsayo nga atua na magbasi sa Malaysia human magkabulag ang ilang dalan sa ALA Promotions, walay hunong sa ensayo.
Katapusang miaway si Magsayo niadtong Nobiyembre 2017 diin midaog siya pinaagi sa unanimous decision batok Hapon nga si Shota Hayashi aron panalipdan iyang WBO International featherweight title.
Ang lumad nga taga-Tagbilaran City, Bohol adunay rekord nga 18-0, 13KOs, samtang 12-4, 3KOs ang kang Deztroyer.
- Latest