Parks moduwa na's PBA
CEBU, Philippines – Pormal nga gipahibalo ni two-time ABL MVP Ray Parks Jr. ang iyang pagduwa sa PBA.
Bisan pa og nagbangutan sa kapildihan sa Alab, si Parks nagkanayon nga kinahanglan niya nga mopadayon ug ang pagduwa uban sa Blackwater Elite nga mokuha kaniya isip No. 2 pick sa miaging Rookie Draft, maoy labing maayong paagi aron siya makarekober.
Ang Alab gipalagpot sa trono sa No. 7 nga Hong Kong Eastern Lions sa Game-2 sa ilang 'best-of-three' quarterfinals series niadtong Miyerkules sa didto sa Hong Kong.
Ang maong kalamboan gikalipay sa kadagkoan sa Blackwater kay moduwa na si Parks uban kanila.
Ang 6-foot-3 nga si Parks mopakita og aksiyon unya sa PBA Commissioner's Cup kay natagak na ang Elite sa All-Filipino Cup.
- Latest