Alab gusto mobawos sa Eastern
CEBU, Philippines — Masaligon si Alab Pilipinas coach Jimmy Alapag nga modaog sila sa Game-2 sa ilang 'best-of-three' quartefinals series batok sa Hong Kong Eastern Lions karong gabii didto sa Southorn Stadium sa Wan Chai, Hong Kong.
Ang Alab nabutang sa delikadong sitwasyon human napilde sa Lions sa Game-1, 88-90 didto sa HoopsDome.
Kinahanglan nila modaog karon aron mapugos ang duwa sa 'do-or-die' ug ingon man may kahigayonan nga makadepensa sa ilang korona.
Si Alapag nagkanayon nga kinahanglan nila nga mapugngan ang high-scoring import sa Lions nga si ODarien Bassett nga maoy mipatay sa ilang depensa sa miaging duwa.
Gidasig usab ni Alapag ang uban niyang mga lokal nga motampo ilabi na nga naglisud og pas-an sa ilang koponan ang import tandem nila ni Renaldo Balkman ug PJ Ramos.
- Latest