James Harden angay gihapon nga mahimong MVP
CEBU, Philippines – Alang ni All-Star point guard Chris Paul nga angayan gihapon nga mahimong MVP ang iyang teammate sa Houston Rockets nga si James Harden.
Matud ni Paul nga lisud tupngan ni bisan kinsa nga superstar karon nga season ang nabuhat ni Harden nga nag-average og 30 puntos pataas gikan niadtong Disyembre sa miaging tuig hangtod karon.
Si Harden nag-average og 36.2 points, 7.5 assists ug 6.5 rebounds sa regular season diin siya ang responsabli pagpahimutang sa Rockets sa ikaupat nga dapit sa ilang 48-28 nga baraha.
Ang labing duol nga karibal ni Harden alang sa MVP karon nga season naglakip nila ni Giannis Antetokounmpo sa Milwaukee Bucks ug Paul George sa Oklahoma City Thunder.
- Latest