Lakers mangita'g katimbang ni James
CEBU, Philippines — Hinay-hinay na nga gidawat sa Los Angeles Lakers ug ni LeBron James ang kamatuoran nga dili sila makasalmot sa NBA playoffs karon nga season.
Ang Lakers natagak sa elimination diin naputol ang 13 ka sunod-sunod nga season nga miduwa si James sa playoffs.
Ang three-time champion nga si James miingon nga napanglantawan niya nga dili mamahimong sayun ang pagsud sa playoffs uban sa batan-ong koponan nga Lakers, apan salig siya nga makabawi sila sunod season.
"Obviously, I would love for the team to be in the post-season," matud pa ni James sa Agence France Presse. "But right now, it's not the hand I was dealt."
Mipasalig hinuon si Lakers president Magic Johnson ug general manager Rob Pelinka nga mulihok aron makabawi ang koponan sunod season og kini pinaagi sa pagkuha og laing elite star nga makatimbang ni James.
"We have salary cap space to target at least one big name to share the load with James," matud pa ni Pelinka.
- Latest