Trinidad balik na's training
CEBU, Philippines – Human sa pipila ka semana niyang pahuway, ang Sugboanong wakeboarder nga si Raphael 'Raph' Pilapil Trinidad mobalik na sab sa training diin laraw niya nga mokulit og laing makasaysayanon nga daog dihang ang Pilipinas mo-host sa Southeast Asian Games sa hinapos nga bahin ning tuiga didto sa Clarkfield, Pampanga.
Si Trinidad nga lumad gikan sa lungsod sa Lilo-an sa amihanang bahin sa Sugbo, damgo nga maka-gold sa una niyang pagduwa sa SEA Games.
Ang 17-anyos nga si Trinidad mitunol og bulawan sa nasud atol sa biennial meet diin siya nihimo og kasaysayan isip labing unang Pinoy nga nakamedalya sa world wakeboard championship.
Ang four-time national champion midaog og silver sa open men's division sa 2019 World Open Cable Wakeboard Championships didto sa Pampa Cable Park sa Buenos Aires, Argentina sa miaging bulan.
- Latest
