Mitsubishi, vs. Toyota South sa CCDB finals

CEBU, Philippines – Ang Mitsubishi ug Toyota South maoy  magsangka alang sa korona sa 3rd Cebu Car Dealer Basketball karong Huwebes diha sa Capitol Gym.

Ang Mitsubishi ni coach Steve Camello ug team manager Jason Gonzales mitapos sa elimination uban ang perpektong 8-0 nga baraha, samtang ang Toyota South adunay 5-2  win-loss record.

Laing mga koponan nga misalmot sa torneyo mao ang Autowelt, Toyota Lapu-Lapu, Nissan South, Kia Mandaue, Toyota Mabolo ug Global Star.

Ang  torneyo nga gipasiugdahan ni Robert Ortega uban sa mga officials na sila si Loloy Gido ug Richard Tabolong, gisuportahan sa M-Tech Accessories ni Myles Anthony Siao.