Bumuo na ng SEAG task force--PSC
MANILA, Philippines — Walong buwan bago ang pamamahala sa 30th Southeast Asian Games ay wala pang nabubuong task force.
Kaya naman nanawagan ang Philippine Sports Commission para sa pagbubuo ng SEA Games task force na sasagot sa pangangailangan ng mga NSAs (National Sports Associations) na kasama sa calendar of events para sa 30th Southeast Asian Games.
“The instruction of the chairman (Ramirez) is to form the task force as soon as possible. But we need everybody’s cooperation,” wika ni PSC deputy executive director Atty. Guillermo Iroy. “We need the task force.”
Sa sandaling maitatag ang SEAG task force, ang mga kinatawan ng Philippine Olympic Committee ay makikipagpulong sa mga NSAs para sa mga pangangailangan ng mga ito sa paghahanda sa 2019 SEA Games na pamamahalaan ng bansa sa Nobyembre 30 hanggang Disyembre 11.
Sa tuwing lalahok ang bansa sa mga international competitions kagaya ng SEA Games, Asian Games at Olympics ay bumubuo ng task force ilang buwan bago ang event.
- Latest
