Yeng Guiao nabalaka sa kondisyon ni Andray Blatche
CEBU, Philippines – Bilib kaayo si Gilas Pilipinas coach Yeng Guiao sa kadominante ni ex-NBA bigman Andray Blatche atol sa ilang duwa sa final leg sa FIBA World Cup qualifiers.
Apan nagdala siya karon og kabalaka basin og dili kini ang mapakita ni Blatche atol unya sa World Cup sa Agosto didto sa China.
Si Guiao nagsugod na og plano alang sa Gilas training.
Mitug-an si Guiao nga nananghid kaniya si Blatche nga mouli sa Estados Unidos human sa iyang pagduwa didto sa China isip import karong Marso 16.
Tungod niini, ang multi-titled coach nabalaka nga basin og mausab ang kondisyon ni Blatche tungod kay mabiya kini sa ensayo samtang nagbakasyon.
"The issue is how do we keep Blatche in good physical shape. My worry is after his China commitments, Andray is going back to the US, and for how long, we don’t know. The problem when he’s not competing, there’s the chance he would go out of shape," matud pa ni Guiao sa The Philippine Star.
Sa laing bahin, tungod kay dili mahinayon ang ilang pagsalmot sa Jones Cup sa Hulyo, ang Samahang Basketbol ng Pilipinas plano nga mopasiugda na lang og usa ka pocket tournaments nga salmotan sa ubang international teams.
- Latest
